उपविभागीय पोलीस अधिकारी हिंगणघाट यांच्या पथकाची रेती माफिया विरुद्ध कारवाई
अब्दुल कदीर बख्श
मुख्य संपादक
वर्धा: दि 11-10-2025 रोजी उपविभागीय पोलीस अधिकारी हिंगणघाट यांच्या पथकातील पोलीस हवालदार अश्विन सुखदेवे , पोलीस हवालदार चेतन पिसे , पोलीस हवालदार राहुल साठे, पोलीस हवालदार उमेश लडके, पोलीस हवालदार सतीश घवघवे पोलीस नाईक रविन्द्र घाटुर्ले, यांना मुखबीर कडुन खाञीशीर खबर मिळाली की आरोपी क्रं 1 आकाश बबन सातघरे,रा. मौजा बोरखेडी, ता. हिंगणघाट हा ट्रॅक्टर मालक विवेक महाकाळकर राहणार बोरखेडी तालुका हिंगणघाट याचे सांगणे वरून त्यांच्या ताब्यातील ट्रॅक्टर क्रमांक MH 32 P 1927 लाल रंगाच्या सरपंच महिंद्रा कंपनी चा ट्रॅक्टर मध्ये वना नदीच्या पात्राचे बोरखेडी रेती घाटातून काळी रेती चोरून मौजा वाघोली कडे वाहतूक करीत आहे. अश्या मुखबीरचे खबरे वरुन पंच व पो.स्टॉप चे मदतीने यातील नमुद आरोपी च्या ताब्यातील ट्रॅक्टर यास थांबवून चेक केले असता 1 ब्रास काळी रेती (गौण खनिज) बिना रॉयल्टी वाहतूक करताना रंगेहाथ मिळून आल्याने जागीच सविस्तर मौक्का जप्ती पंचनामा कारवाई करून ट्रॅक्टर, ट्रॉली व 1 ब्रास काळी रेती (गौन खनिज ) असा जु कि 8,08,000/- रु चा माल मिळून आल्याने , पो स्टे. हिंगणघाट येथे परत येवुन आरोपीतान विरूध्द गुन्हा नोंद केला .
सदरची कार्यवाही पोलीस अधिक्षक अनुराग जैन सा. मा.अपर पोलीस अधिक्षक सदाशिव वाघमारे सा.मार्गदर्शनात उपविभागीय पोलीस अधिकारी हिंगणघाट सुशीलकुमार नायक सा. यांचे निर्देशाप्रमाणे उपविभागीय पोलीस अधिकारी सा हिंगणघाट यांचे कार्यालयातील पोलीस हवालदार अश्विन सुखदेवे, पोलीस हवालदार चेतन पिसे, पोलीस हवालदार उमेश लडके, पोलीस हवालदार राहुल साठे, पोलीस हवालदार सतीश घवघवे , पोलीस नाईक रवींद्र घाटुर्ले यांनी केली.
